Dasht-o-Darya Se Guzarna Ho Ke

Dasht o darya se guzarna ho ke ghar mein rehna
ab to har haal mein hai, hum ko safar mein rehna

dil ko har pal kisi jadoo ke asar main rehn
khud se nikle to kisi aur ke dar mein rehna

sheher-e-gham dekh teri aab-o-hawa khushk na ho
raas aata hai usse deedai-e-tar mein rehna

feslay sare usi ke hain humari baabat
ikhtiyaar apna bus itna ke khabar mein rehna

koi khatir na madarat na taqreeb wasaal
hum to bus chahte hain teri nazar mein rehna

raat bhar chand mein dekha karen surat teri
subah ko aur hi soda mere sar mein rehna

mein to har chehray mein ab tak wahi chehra dekhu'n
usko har roz tamasha-y-dagar mein rehna

wahi tanhai wahi dhoop wahi be sitmi
ghar mein rehna bhi hua rah guzar mein rehna

tootna yoo'n to muqadar hai magar kuchh lamhay
phool ki tarah mayyasar ho shajar mein rehna
"Parveen shakir"

Urdu Poetry - Urdu Shayri - Urdu Ghazal - Urdu Poems