Muddat Se Dil o Jaan Main

Muddat se dil o jaan main' ajab shor bappa hai
ik shakhs juda ho ke bhi, yaado'n main basa hai

sadyon se mera ishq jisse dhoond raha hai
herat hai wahi shakhs mere saath khara hai

jo aankh milane ki ijazat nahi deta
dil usko nigaho'n mein basane ko tulla hai

jo apne hi halaat ko suljha na saka wo
bigrai hui taqdeer banane ko chala hai

saye mein shajar ke na kabhi mujh se mila wo
ab dhoop mein dekho to mere saath khara hai

dastak si dar-e-dil pe dia karta tha aksar
aaj apne hi andar wo kahin ja ke chhupa hai

jis shakhs ko kehtay they sharafat ka namoona
wo aaj mere samne faqo'n se mara hai
"Best Urdu Poetry"

Best Urdu Poetry