• Thursday, March 12, 2015

    Dil mera ek kitab ki surat

    Dil mera ek kitab ki surat
    jis mein wo gulab ki surat
    mein kaRi dhoop ki tanhai
    wo shab-e-mahtab ki surat
    '4 line poetry'
    urdu poetry 4lines, best urdu poetry, shayari
    4line poetry

    Wednesday, March 4, 2015

    Teri nazar ke isharon se khel sakta hun

    sad poetry in urdu, best urdu poetry, urdu shayari
    Saghar Siddiqui
    Teri nazar ke isharon se khel sakta hun
    jigar farosh shararon se khel sakta hun

    tumhare daaman-e-rangeen ka aasra le kar
    chaman ke mast nazaron se khel sakta hun

    kisi ke ehd-e-mohabbat ki yaad baqi hai
    baDe haseen sahaaron se  khel sakta hun

    maqam-e-hosh-o-khirad intiqame vehshat hai
    junoon ki raah guzaron se khel sakta hun

    mujhe khizan ke bagole salam karte hain
    hayya farosh chanaron se khel sakta hun

    sharab-o-sher k darya mein doob kar saghar
    suroor-o-kef ke dhaaron se khel sakta hun
    'Saghar Siddiqui poetry'

    Monday, February 2, 2015

    Piyar bhi ajab shey hai

    urdu poem,urdu nazam,urdu poetry of farhat abbas shah
    Farhat abbas shah
    Piyar bhi ajab shey hai
    aztarar mein muzamir
    inthashar se Aage
    ikhtiyar se bahir..!
    'Farhat abbas shah'
    poem in urdu

    Friday, January 30, 2015

    Manzar samait laye hain jo

    urdu poetry of qateel shifai, urdu shayari, best poetry in urdu
    Qateel shifai
    Manzar samait laye hain jo tere gaoun ke
    neendain chura rahe hain wo jhonke hawaoun k

    teri gali se chaand zyaada haseen nahi
    kehte sune gaye hain musafir khalaoun k

    pal bhar ko teri yaad mein dharka tha dil mera
    ab door tak bhanwar se parey hain sadaoun k

    Daad-e-Safar mili hai kisay raah-e-shauq main
    ham nay miTa diye hain nishaan apnay paoun ke

    jab tak na koi aas thi, yeh pyas bhi na thi
    be-chain kar gaye hamain sayae ghataoun ke

    ham ne liya hai jab bhi kisi raahzan ka naam
    chehray utar utar gaye kuch rehnumaoun ke

    uglay ga aaftaab kuch aisi bala ki dhoop
    reh jayen ge zameen pe kuch dagh chaoun k
    'Qateel shifai shayari'

    Wednesday, January 28, 2015

    Aaj bhi waisa hi mausam hai

    mosam shayari, urdu poetry, barish poetry
    Mausam shayari
    Aaj bhi waisa hi mausam hai
    Aaj bhi waisey hi badal hain
    Aaj bhi waisi hi barish hai
    Jab hum pehli bar mile they
    Yaad hai, humne ye socha tha
    Humko milte dekh kar mausam
    Itna khush hai itna khush hai
    Uski Aankhen bheeg gai hain
    Magar ! Aaj ye jan gaye hain
    Mausam uss din kyon roya tha..!
    'Mosam urdu poetry'

    Saturday, January 24, 2015

    Socha tha ke rakhun ga mein

    urdu poetry by saadullah shah, urdu shayari
    Saadullah shah shayari
    Socha tha k rakhu ga mein umron teri yadein
    tanhaa jo mein beTha hun to 'pal bhi nahi niklaa'

    wo paiR ke jiskaa nahi rishta ye zameen se
    jhulsa hai kaRi dhoop mein phal bhi nahi nikla

    pheltey hain sitare dar-e-shab par bhi hai pehra
    kyon Aaj wo roshan ho jo kal bhi nahi nikla

    beTha tha musafat se Dar kar lab-e-darya
    nikla hu to sathi mera thal bhi nahi nikla

    mudat se yahi ek ghuTan hai mere dil mein
    bhool to nahi uss ko badal bhi nahi nikla

    mushkil jo nahi kaam to Aasaan bhi nahi hai
    Uljhaa bhi nahi hun koi Hal bhi nahi nikla

    Ik Gham tha meri rooh ka jisne mujhe maara
    Ye gham hai k wo roz-e-azal bhi nahi nikla
    'Saadullah shah poetry'

    Thursday, January 22, 2015

    thakan to agle safar k liye bahana tha

    urdu poetry by iftikhar arif, urdu shayari
    urdu poetry iftikhar arif
    thakan to agle safar k liye bahana tha
    thakan to agle safar k liye bahana tha
    usse to yun bhi 'kisi aur simt jana tha'

    wahi chirag bujha jis ki lau qayamat thi
    ussi pe zarb pari jo shajar purana tha

    mata-e-jan ka badal ek pal ki sarshari
    suluk khwab ka ankhon se tazirana tha

    wahi firaq ki baten wahi hikayat-e-wasl
    nai kitab ka ek ek warq purana tha

    qaba-e-zard nigar-e-khizan pe sajti thi
    tabhi to chal ka andaz khusrowana tha
    'Iftikhar arif shayari'