Barhta Hai Teri Yaad Se Gham

Barhta hai teri yaad se gham' aur zyada
rotey hain kahin beth ke hum aur Zyada

you'n chor ke jate na mujhe be saro-samaa'n
kar lete meri jaa'n ye sitam aur zyada

is dil pe abhi aable parne hain bohat se
ye matti abhi honi hai nam aur zyada

bekar guzar jati hai mamooli si mohlat
hum sochte reh jate hain kam aur zyada

achha hai ke chup chup ke sisakte raho warna
khul jaye ga logo'n pe bharam aur zyada
"Farhat abbas shah"

Farhat abbas shah shayari