Chehre Pe Mere Zulf Ko Phelao Kisi Din

Chehre pe mere zulff ko phelao' kisi din
kia roz garajte ho, baras jao kisi din

raazon ki Tarah utro mere dil mein kisi shab
dastak pe mere haath ki khul jao kisi din

pero'n ki tarah husan ki barish mein naha lu'n
badal ki tarah jhoom ke ghir aao kisi din

khushboo ki tarah guzro mere dil ki galli se
phoolo'n ki tarah mujh pe bikhar jao kisi din

phir haath ko kherat mile bad quba ki
phir lutf-e-shab-e-wasal ko duhrao kisi din

guzre jo mere ghar se to ruk jayen sitare
is tarah meri raat ko chamkao kisi din
"Amjad islam amjad shayari"

amjad islam amjad shayri