Kari Hai Dhoop Bohat

Kari hai dhoop bohat' rahe khaar khaar ke saath
nikal pare hain magar, hum tumhare pyar ke saath

likha hai toot hi jana agar muqadar mein
to ye bhi tay hai ke toote gein hum waqar ke saath

humara saath nahi saath baat lamho'n ki
azal ka saath abad tak hai aetabaar ke saath

na tor paye gi dunya ki koi rusm usay
humara dard ka rishta hai aur pyar ke saath

ae dil ye tay hai tujhe beqarar rehna hai
kisay mila hai bhala dard-e-dil qarar ke saath

jinhe azeez hai ab khudkashi ka zikar bohat
khizaa'n bhi dil se lagate they jo bahaar ke saath
"Farhat shahzad"

Farhat shahzad urdu poetry