Dil ne apni zuban ka pass kia

Dil ne apni zuban ka pass kia
Aankh ne janey kia qayas kia

Kia kaha baad-e-Subah gahi ne
Kia chiragon ne altamas kia

Kuch ajab tor zindagani ki
Ghar se nikle na ghar ka pass kia

Ishq ji jaan se kia hum ne
Aur be-khuaf-o-be-haras kia

kahin zahir kahin chupa dekha
yaar ko humne ja-ba-ja dekha

Raat Ayi idhar sitaron ne
Shabnami perhan libas kia

Sayae gul to mein nahi jisne
Gul ko dekha na gul ka bas kia

Baal to dhoop mein safed kiye
Zard kis chhaon mein libas kia

Kia tera aetabar tha tu ne
Kia gazab sheher naspas kia

Kia bataon sabab udasi ka
Be-sabab mein isse udas kia

Zindagi ik kitab hai jisne
Jis ne jitna bhi aqtabas kia

Jab bhi zikar-e-ghazal chhira ussne
Zikar mera bator-e-khaas kia
"Rasa Chughtai Poetry"

Urdu Poetry Of rasa chughtai