Tera mera saath hi kya hai

Ye teri manzil wo mera rasta hai
Tera mera saath hi kya hai

Mein ne to ek baat kahi thi
Kya tu sach much rooth gaya hai

Aesa gahak kon hai jis ne
Sukh de kar dukh mol lia hai

Tera rasta taktey taktey
Khet gagan ka sookh gaya hai

Khirki khol kar dekh to bahir
Der se koi shakhs khara hai

Saari basti so gai "nasir"
Tu kyon ab tak jag raha hai
"Nasir kazmi Poetry"

Nasir kazmi urdu poetry