Ab kis se kahen or kon suney

Ab kis se kahen or kon suney jo haal tumhare baad huwa
Is dil ki jheel si aankhon mein ik khuwab bohot barbad huwa

Ye hijar hawa bhi dushman hay us naam ke saare rangon ki
Wo naam jo mere honton per khushbu ki tarah aabad  huwa

Us sheher ke kitne chehre thay kuch yaad nahi sab bhool gaye
Ik shakhs kitabon jesa tha wo shakhs zabani yaad huwa

Wo apne gaon ki galyan thi dil jin mein nachta phirta tha
Ab is se farq nahi parta na-shaad huwa ya shaad huwa

Be-naam staish rehti thi in gehri sanwli aankhon mein
Aisa to kabhi socha bhi na tha dil ab jitna be-daad huwa
"Noshi gilani Poetry"

poetry of noshi gilani