aankhon mein khwab kya honge

Andhi aankhon mein khwab kya honge
un mein roshan shahaab kya honge

jis ke sar par na aasman Thehra
uss ke sar par sahaab kya honge

jo na behkey kabhi jwani mein
uss pe utre shahaab kya honge

tujh ko chaaha teri ibadat ki
is se baRh kar sawab kya honge

tan ki belon pe hai khizan chaayi
man mein khilte gulaab kya honge

yun na mangein rifaqaten tujh se
jaante they jawaab kya honge

chand lamhey wisaal ke basit
in se sehra seraab kya honge
"best urdu poetry"

Best poetry images